Во ПроКредит Банка, веруваме дека секоја добра идеја заслужува поддршка, особено кога доаѓа од млади луѓе подготвени да донесат позитивни промени. Затоа со задоволство бевме дел од хакатонот #ИмамИдеја 2024, организиран од Startup Club Skopje, дводневен настан исполнет со енергија, креативност и претприемачки дух. 

Како поддржувачи и ментори, имавме привилегија да ги следиме 30-те најиновативни идеи, претставени од мотивирани млади тимови кои со голема посветеност ги обликуваа своите концепти во конкретни стартап решенија. Најдобрите 10 тима продолжуваат во инкубаторската програма #ИмамИдеја, каде што ќе ја добијат потребната насока, знаење и алатки за понатамошен раст. 

Нашиот тим активно се вклучи во менторскиот процес, нудејќи практични совети и поддршка со цел да ги охрабриме младите да ги направат вистинските чекори во развојот на нивните идеи. 

ПроКредит Банка останува посветена на создавање услови каде што иновацијата се негува, а претприемништвото се поттикнува. Оваа иницијатива под ProActive платформата е само еден од многуте чекори во нашата поддршка на одржливи, паметни и храбри проекти.