Вчера во Startup Club Skopje официјално го означивме стартот на едукативниот серијал „ProBiz Superpowers“, како дел од програмата Млади во бизнис, поддржана од Европската банка за реконструкција и развој (ЕБРД).

Првата работилница беше посветена на една од најважните теми за секој амбициозен претприемач – ефективното лидерство. Под менторство на докажаните професионалци Гојко Родиќ и Ивана Хенкел вон Донерсмарк, младите учесници се впуштија во интерактивна сесија која им понуди практични алатки и вештини и ги охрабри на лична рефлексија и излез од комфорната зона.

За време на работилницата се отворија важни прашања:

• Што значи да се биде лидер, а не само менаџер?
• Како да се инспирира и води тим со интегритет и визија?
• Како се гради доверба и влијание без авторитет?

Покрај размената на знаење, настанот создаде простор за вмрежување, нови познанства и инспиративни разговори помеѓу млади претприемачи кои ја споделуваат истата енергија и желба за успех.

Цврсто веруваме дека вистинската поддршка за младите претприемачи не е ограничена на финансии, туку вклучува и едукација, менторство и платформа каде што можат да растат.

Следуваат уште многу работилници во рамки на ProBiz Superpowers кои ќе донесат различни практични вештини и можности за раст.