Transformimi digjital tingëllon si një hap i madh, dhe me të vërtetë është. Prandaj, për t’ju ndihmuar të filloni me hapa të sigurt dhe konkretë, ne mbajtëm një tjetër nga iniciativat tona jo-financiare të dedikuara për përmirësimin e ekosistemit të biznesit lokal në Strumicë.

Në partneritet me Qendrën për transformim digjital – GoDigital dhe programin e Agjencisë Zvicerane për Zhvillim dhe Bashkëpunim – Rritja e punësimit në treg (Increasing Market Employability – IME), ne zbatuam një trajnim njëditor mbi temën e transformimit digjital, të destinuar për përfaqësuesit e ndërmarrjeve të vogla dhe të mesme nga rajoni. Qëllimi ishte të ndihmoheshin bizneset lokale të njohin mundësitë e ofruara nga dixhitalizimi dhe të fillojnë ose të përparojnë procesin e transformimit të përshtatur sipas kapaciteteve të tyre.

Ekspertët Jovan Dimitrov, Dimitar Bardarov dhe Mitko Andonov i prezantuan pjesëmarrësit me trendet kryesore, sfidat dhe përfitimet e zhvillimit digjital përmes prezantimeve dhe diskutimeve praktike. Temat mbuluan bazat e strategjisë dixhitale, vlerësimin e pjekurisë digjitale, përzgjedhjen e mjeteve të përshtatshme, si dhe shembuj nga sektori real për futjen me sukses të teknologjive në operacionet e përditshme.

Një pjesë veçanërisht e rëndësishme e trajnimit ishte qasja individuale, sepse çdo biznes ka historinë, strukturën dhe nevojat e veta, dhe kjo u njoh nga trajnerët të cilët i ndihmuan pjesëmarrësit të ndërmarrin hapat e parë konkretë në transformim.

Për ne, qëndrueshmëria nuk matet vetëm përmes treguesve financiarë, por edhe përmes mbështetjes afatgjatë që u ofrojmë klientëve tanë për t’u rritur, për t’u përshtatur dhe për të mbetur konkurrues në një botë që ndryshon me shpejtësi. Këto iniciativa edukative janë pjesë e misionit tonë për të ndërtuar një sektor biznesi më të fortë dhe më të informuar, veçanërisht në brendësi të vendit, ku ky lloj mbështetjeje është shpesh më i vështirë për t’u aksesuar.

Ne vazhdojmë të investojmë në njohuri, rrjete dhe mjete praktike që kanë një efekt real dhe të matshëm tek sipërmarrësit.