Ne besojmë se gazetaria e mirë është një nxitës i ndryshimeve pozitive. Prandaj, përmes “Shkollës sonë të gazetarisë”, ne investojmë në mënyrë aktive në të ardhmen e medias dhe të të rinjve.

Përmes kësaj iniciative, patëm nderin të ishim pjesë e një eventi frymëzues në Fakultetin e drejtësisë në UKIM. Së bashku me Profesor Dr. Jasna Baçovska Nediq, organizuam një leksion për studentët e interesuar në komunikim dhe gazetari, duke u përqendruar në gazetarinë investigative si një mjet kyç për ndryshime të vërteta sociale.

E ftuara jonë ishte Irena Mullaçka, gazetare dhe kryeredaktore e javores “Focus”, fituese e tetë çmimeve për gazetari investigative. Ajo ndau me studentët përvojat nga karriera e saj 17-vjeçare, sfidat e vërteta, mësimet personale dhe këshillat që nuk mund të mësohen nga një libër shkollor.

“Një gazetare duhet të jetë këmbëngulëse, të investojë në njohuritë e saj dhe, më e rëndësishmja, të mos humbasë besimin”, theksoi Irena. Ajo foli për vlerën e kontaktit personal, parimet e besueshmërisë dhe integritetit, dhe çfarë do të thotë të jesh një gazetar që bën vërtet një ndryshim.

Studentët dëgjuan, pyetën, menduan. Dhe ne u bindëm edhe një herë se ka shpresë për këtë profesion.

Me këtë rast, profesoresha Baçovska Nediq theksoi me krenari: “Këta studentë janë të veçantë – ambiciozë, të fokusuar dhe me një vizion të qartë. Këto ngjarje janë një shans për ta që të lidhen me botën reale dhe të ndërtojnë karrierën e tyre me përgjegjësi dhe pasion.”

Dhe ne në ProCredit Bank jemi të përkushtuar t’u japim atyre hapësirë, njohuri dhe mbështetje, sepse gazetaria është e rëndësishme për ne, dhe të rinjtë edhe më shumë. Prandaj, ne vazhdojmë me iniciativa për përgjegjësi sociale dhe zhvillim të qëndrueshëm përmes mbështetjes për gazetarinë.