Të gjithë duam një të ardhme të gjelbër. Por nuk mjafton vetëm të dëshirojmë, duhet edhe të ndërmarrim veprime. Kjo është arsyeja pse mbjellëm një pyll të ri këtë pranverë.

Së bashku me Pyjet Kombëtare, organizuam një ripyllëzim në fshatin Kuçkovë, ku ringjallëm një sipërfaqe prej 1 hektari që ishte dëmtuar nga zjarret pyjore në vitet e fundit.

Mbollëm pemë të reja si simbol të jetës dhe ripërtëritjes, dhe kontribuam drejtpërdrejt në shërimin e një pjese të vogël, por të vlefshme të planetit tonë të përbashkët.

Kjo nuk është hera e parë që jemi përfshirë në aktivitete të tilla, dhe padyshim nuk do të jetë e fundit.Kujdesi për mjedisin është një pjesë thelbësore e asaj që jemi, si bankë ashtu edhe si njerëz.Të gjithë jemi pjesë e të njëjtit ekosistem.

Nëse e shkatërrojmë, humbasim ekuilibrin. Nëse kujdesemi për të, ai na kthehet me ajër të pastër, tokë të shëndetshme, biodiversitet të pasur dhe një të nesërme më të mirë. Dhe edhe nëse kjo do të thotë “vetëm” një hektar, e dimë se çdo pemë ka rëndësi.Mbjellëm për të marrë frymë. Ne mbjellëm për të rikthyer jetën aty ku ishte shkatërruar.

Ne mbjellëm për t’i kujtuar vetes se natyra nuk ka buton rivendosjeje.Ky veprim është pjesë e angazhimeve tona më të gjera mjedisore, jo vetëm deklarative, por hapa realë dhe të prekshëm që duam të ndërmarrim me ju.Nëse edhe ju besoni se ndryshimi fillon me veprime të vogla, faleminderit që jeni me ne. Ne vazhdojmë të shfrytëzojmë çdo mundësi për të bërë më shumë