ProCredit Bank priti ekspozitën “Natyra e PAmbrojtur” nga autori Velian Jagev, i cili prezantoi diversitetin e shpendëve që jetojnë në vendin tonë përmes një serie fotografish të përzgjedhura me kujdes. Disa prej tyre janë të rrezikuara, disa ende nuk janë hulumtuar mjaftueshëm, dhe të gjitha së bashku flasin për pasurinë e biodiversitetit që ende ekziston, por nuk është i mbrojtur mjaftueshëm.

Ekspozita u organizua me qëllim që të tërhiqte vëmendjen ndaj rëndësisë së ruajtjes së mjedisit, me theks të veçantë në llojet e shpendëve që i hasim rrallë, por që janë një pjesë e rëndësishme e ekosistemit.

Si pjesë e eventit u mbajt një ankand i heshtur, përmes të cilit u mblodhën 231.000 denarë. Këto fonde u investuan në aktivitete që synojnë përmirësimin e kushteve të jetesës së shpendëve të rrallë dhe autoktonë në Maqedoni.

Kjo iniciativë është pjesë e iniciativave më të gjera të ProCredit Bank, e cila ka investuar vazhdimisht në projekte ekologjike dhe sociale përgjegjëse për 20 vitet e fundit. Mbështetja e ekspozitës “Natyra e PAmbrojtur” është një shembull tjetër se si banka bashkëpunon me autorë dhe organizata që ndajnë të njëjtin shqetësim për mjedisin.

Shikoni pjesë nga atmosfera e eventit